Арнайы киімнің қызмет мерзімі пайдалану жөніндегі нұсқаулардың сақталуына тәуелді. Тек қана бұйымдарға дұрыс күтім жасау емес, оларды тиісті түрде сақтау да маңызды. Өндірушінің ұсынымдарын ұстану арқылы жаңа бұйымдарды сатып алуға қаражат үнемдеп, қызметкерлердің сенімді қорғалуын қамтамасыз етуге болады.
Келесі ұсынымдарды сақтаңыз:
- Өнімдерді сақтау үшін дұрыс дайындаңыз. Кір жуу/химиялық тазалау, кептіру, жөндеу — міндетті кезеңдер. Өнім түріне байланысты қосымша дезинфекция, дегазация, дезактивация және т.б. талап етілуі мүмкін.
- Киімге күтім жасау жөніндегі өндірушінің арнайы ұсынымдарына — жуу кезінде өшпейтін жапсырмалардағы белгілерге бағыныңыз. Ондағы ақпарат бірнеше рет жуғаннан кейін де сақталады.
- Жаңа және қолданылған өнімдерді бір-бірінен бөлек сақтаңыз.
- Арнайы тағайындалған заттарды ОПЗ-дан қорғаныс беретін арнайы киімнен оқшаулаңыз.
- Арнайы киімді құрғақ, салқын және желдетілетін бөлмеде сақтаңыз. Тікелей күн сәулесі, жоғары ылғалдылық пен экстремалды температуралардың әсеріне жол бермеңіз.
- Арнайы киімге арналған сөрелерді жылыту приборларынан кемінде 1 м қашықтықта орналастырыңыз. Қабырғаға және басқа объектілерге дейінгі қашықтық кемінде 20 см болуы тиіс.