2 тамызда теміржол саласының қызметкерлері кәсіби мерекесін атап өтеді.
Әр жылы тамыз айының бірінші жексенбісінде Ресейде Теміржолшы күні аталып өтеді. Теміржол көлігі — экономиканың негізгі салаларының бірі, ол тауарлар мен жолаушыларды үлкен қашықтықтарға тасымалдауды қамтамасыз етеді, ел аймақтарын байланыстырып, өнеркәсіптің, сауданың және туризмнің дамуына ықпал етеді.
Қызықты деректер:
- Ресейдегі алғашқы теміржол Алтайда, Колывано-Воскресен зауыттарында 1809 жылы салынған. Оны инженер Пётр Фролов жобалаған. Жолдың ұзындығы шамамен 1,87 км құраған, пойыздарды аттар сүйреген. Ол Змеиногор кенішін Корболихин күміс балқыту зауытымен байланыстырып тұрған.
- Әлемдегі ең ұзын темір жол — Транссібір магистралі (Ұлы Сібір жолы). Оның ұзындығы — 9288 км. Құрылысы 1891 жылғы 31 мамырда басталып, 1916 жылғы 18 қазанда аяқталған, яғни шамамен 25 жылға созылған.
- Ресейдегі ең ұзын теміржол көпірі — теміржолдық Қырым көпірі. Оның ұзақтығы 18 118,05 метрді құрайды. Ол Краснодар өлкесін Қырым түбегімен қосады және Керч бұғазы арқылы өтетін теміржол желісінің бір бөлігі болып табылады.
Барша теміржол саласының қызметкерлерін кәсіби мерекелерімен шын жүректен құттықтаймыз! Сіздерге мықты денсаулық, бақыт, әл-ауқат, лайықты және қауіпсіз еңбек жағдайларын тілейміз.